Augnþurrkur

Þurrkur í augum er afar útbreiddur sjúkdómur og raunar ein af algengustu ástæðum heimsókna til augnlækna og sjóntækjafræðinga. Augnþurrkur er margþættur sjúkdómur sem hefur neikvæð áhrif á yfirborð augans. Ástandinu fylgja óþægindi, sjóntruflanir og óstöðugleiki í tárafilmu sem getur hugsanlega skaðað yfirborð augans. Því er brýnt að leita meðferðar um leið og augnþurrks verður vart. Sigurlaug augnhjúkrunarfræðingur er með margra ára reynslu í meðhöndlun og greiningu augnþurrks. Hún tekur vel á móti þér og gerir allar helstu mælingar sem þarf til að meta ástand augna með tilliti til augnþurrks. Veitir fræðslu, kennir og leggur upp meðferð. Í sérstökum tilfellum vísar hún áfram á augnlækni sem hefur þá aðgang að öllum myndum og mælingum Táralindar.