Forskoðun

Forskoðun

Starfsfólk okkar hefur áralanga reynslu af því að meta sjónlag og veita ráðgjöf um aðgerð í samræmi við ástand augna og aðra þætti í heilsufari fólks. Með aðstoð okkar ættir þú að geta tekið yfirvegaða og upplýsta ákvörðun um hvort og þá hvers konar aðgerð þú vilt fara í.

Forskoðun leiðir í ljós hvort þú getur farið í aðgerð eða ekki. Eins og gefur að skilja er forskoðunin mjög ítarleg en markmið hennar að athuga hvort eitthvað standi í vegi fyrir að þú getir farið í sjónlagsaðgerð. Um 80% þeirra sem fara í forskoðun geta farið í aðgerð.

Mikilvægt er að vera án snertilinsa í viku fyrir forskoðun.

Í forskoðun er meðal annars:

• Sjónlag mælt í sjónlagsmæli til að fá grófa hugmynd um sjónlag þitt.
• Gleraugun mæld út frá því.
• Farið yfir heilsufar þitt, augnsögu, ofnæmissögu og annað sem gæti haft áhrif á aðgerð.
• Augnþrýstingur mældur.
• Hornhimnan skoðuð nánar með sérstöku mælitæki og nokkurs konar landslagsmynd útbúin af yfirborði hennar.
• Ríkjandi auga fundið. Sjáöldur mæld með millimetramáli og ríkjandi auga ákvarðað.
• Sjáöldrin víkkuð út með þar til gerðum dropum.
• Augun skoðuð nákvæmlega hjá augnlækni með svokölluðum raufarlampa.

Að forskoðun lokinni er farið ítarlega yfir niðurstöður hennar til að ákvarða hvort og þá hvernig aðgerð muni henta þér.