Algengar spurningar varðandi laseraðgerðir

Augu okkar allra eru viðkvæm. Við tökumst á við þetta með þér og þú munt upplifa öryggi í gegnum aðgerðina. Þú færð líka sterka deyfidropa sem stoppa allan sársauka. Við leggjum áherslu á að það verða engir verkir í aðgerðinni og við höfum aldrei lent í því að geta ekki klárað aðgerð vegna þess að viðkomandi hreyfði sig eða augun of mikið. Fylgigeisli (tracker) lasertækisins fylgir augunum líka eftir svo engin hætta er á að snögg augnhreyfing skemmi eitt né neitt. Svo áttu kost á slakandi töflu nokkru fyrir aðgerðina sem dregur úr andlegri og líkamlegri spennu

Undirbúningurinn fyrir aðgerðina tekur lengstan tíma, láta töfluna virka og slaka svolítið á í undirbúningsaðstöðunni okkar, lesa vel upplýsingarnar og fá svör við spurningum sem upp kunna að koma. Aðerðin sjálf tekur mjög stutta stund, eða 10-15 mínútur, bæði augu.

Kísilflögur sem notaðar eru í tölvur eru búnar til með geisla eins og þeim sem við notum til að endurmóta augun þín.
Allar kísilflögurnar verða nákvæmlega eins vegna þess hversu nákvæmur geislinn er. Við erum að meðhöndla lifandi vef og allir eru ólíkir innbyrðis. Því lenda ekki allir nákvæmlega á þeim punkti sem ætlað var, þótt flestir geri það. Því þarf í sumum tilvikum að framkvæma aðgerðina í tveimur skrefum til að ná tilætluðum árangri. Því ber að varast að halda að "aðgerð hafi misheppnast" þótt framkvæma þurfi enduraðgerð. Enduraðgerð er framkvæmd á þann hátt að nýr flipi er ekki búinn til, heldur er þeim flipa sem fyrir er lyft upp með sérstöku áhaldi. Fólk finnur enn minna fyrir enduraðgerð en upphaflegu aðgerðinni.

Samkvæmt rannsóknum sem gerðar hafa verið 15 ár aftur í tímann eru áhrif LASIK stöðug og varanleg.

Áður en þessari spurningu er svarað er rétt að gæta að muninum á LASIK annars vegar og sjónglerja og snertilinsa hins vegar. Annars vegar er verið að tala um lækningu, hins vegar um hækjur og hjálpartæki. Því er ólíku saman að jafna.  Tilgangur laseraðgerða er að gera fólk eins lítið háð sjónhjálpartækjum og hægt er. Í flestum tilvikum heppnast það mjög vel og viðkomandi getur verið gleraugna- eða snertilinsulaus.  Það er þó mikilvægt að átta sig á því að það gera ekki allir.  Um 2% sjúklinga eftir aðgerð þurfa að nota gleraugu, en eru þó miklu óháðari þeim heldur en áður.  Það er mikilvægt að átta sig á því að fylgikvillar LASIK aðgerðar geta í örfáum tilfellum gert sjón einni eða tveimur línum verri en hún var fyrir aðgerð. Oftast er hægt að laga það að fullu. Á móti eru mörg dæmi þess að sjón án glerja sé mun betri en sjón með bestu glerjum fyrir aðgerð.

Blindu hefur ekki verið lýst eftir LASIKaðgerð.  Í undantekningartilfellum getur sjúklingur upplifað einhverja versnun á sjón eftir LASIKaðgerð (oftast ekki meir en 1-2 línur á sjónmælispjaldi), tvöfeldni, bauga í kringum ljós eða ljósfælni.
Hins vegar hefur verið greint frá einstaklingum sem hafa orðið blindir á báðum augum í kjölfar hornhimnusára sem myndast hafa í kjölfar snertilinsunotkunar og einnig vegna glerbrota sem stingst hafa í augu við að gleraugu brotna.  Ekkert er 100% í veröldinni og því er áhætta falin í öllum valkostunum þremur. 
Við gerum okkar besta í að halda þeirri áhættu í lágmarki á þrjá meginvegu:
Við tökum einungis í aðgerð þá sem eiga mjög góða möguleika á tilætluðum árangri og höfnum því 25-30% þeirra sem koma í forskoðun.  Í öðru lagi notum við einungis nýjustu tækni við aðgerðirnar og laseraugnlæknar okkar búa yfir mikilli þekkingu og reynslu.  Í þriðja lagi fylgjum við sjúklingum okkar mjög vel eftir og skoðum þá daginn eftir aðgerð, tveimur vikum eftir aðgerð, þremur mánuðum og loks sex mánuðum að aðgerð lokinni.  Við fræðum sjúklingana vel fyrir aðgerðina, bæði í rituðu og töluðu máli.  Þetta á við allt í lífinu - gæta þarf ávallt að búnaði, öryggi og aðstæðum áður en haldið er af stað.  Þekking þarf að vera til staðar og gætni.  Næg fræðsla og kennsla þarf að eiga sér stað á undan.  Væntingarnar þurfa að vera réttar.  Ef læknirinn og sjúklingurinn vinna saman er hægt að halda áhættu í algjöru lágmarki.  Við stöndum við það.