Nákvæm augnskoðun er framkvæmd áður en kemur að aðgerð. Við skráum almenna heilsufarssögu og leitum allra upplýsinga varðandi lyfjaofnæmi. Síðan er sjónin mæld með og án gleraugna eða snertilinsa. Hornhimnan sjálf er síðan mæld með afar nákvæmum tækjum og stærð sjáaldra skoðuð í rökkri og birtu. Að því loknu eru sjáöldrin víkkuð út með augndropum og augnbotnar skoðaðir vandlega.
Augað er eitt af mikilvægustu skilvitum mannsins. Ljós berst inn í augun í gegnum hornhimnuna (glæruna), augasteininn og glerhlaupið áður en það lendir á sjónhimnunni. Þar eru milljónir fruma sem nema ljósið og senda boð gegnum sjóntaugina til heilans sem túlkar boðin í mynd.
Hvað er eðlilegt fyrst eftir aðgerð?Hvað er óeðlilegt eftir aðgerð?Hvað þarf að líða langur tíma áður en má fara í líkamsrækt ?
Ellihrörnun í augnbotnum er algengasta orsök lögblindu hjá fólki 70 ára og eldri. Sjúkdómurinn hefur mikil áhrif á lífsgæði fólks og hæfni til að bjarga sér sjálft á efri árum. Hrörnunin byrjar oft sem hvítir blettir í sjónhimnu (drusen) ásamt breytingum á litflekju undir sjónhimnu.
Sjónhimnusjúkdómur kemur venjulega fram eftir að fólk hefur verið með sykursýki í nokkur ár. Fólk verður yfirleitt ekki vart við fyrstu breytingar í augnbotni en á seinni stigum getur myndast sjónhimnubjúgur sem er algengasta orsök sjóndepru hjá sykursjúkum.
Augnþurrkur er afar algengt vandamál. Líklegt er að u.fl.b. 15.000 íslendingar þjáist af þurrum augum. Í þessum sjúkdómi framleiða augun ekki nægilega mikið af tárum eða tárin eru ekki nægilega vel samansett og þau gufa upp of fljótt.
Hvarmabólga er líklega einn algengasti augnsjúkdómurinn á Íslandi. Erfitt er að meta hlutfall fólks með hvarmabólgu, þar sem sjúkdómurinn veldur oft litlum einkennum. Á hinn bóginn getur hann valdið einkennum sem eru afar óþægileg og hafa ríkuleg áhrif á daglegt líf fólks.