Það er erfitt að meta hvaða lasertæki er best af þeim
sem eru hvað mest notuð í heiminum í dag. Fáar rannsóknir hafa verið
gerðar þar sem tækin eru borin saman, en þó gladdi það okkur í Sjónlagi
mjög að lesa grein sem birtist í hinu virta augnlæknatímariti “Eye” í
fyrra, þar sem okkar tæki (NIDEK EC-5000) er borið saman við Bausch/Lomb
Technolas lasertækið (sem er hitt tækið hér á landi). Þar kemur fram
að fleiri eru ánægðir með árangurinn eftir meðhöndlun með NIDEK tækinu
en Bausch/Lomb tækinu.
Sjá má fulla umfjöllun á eftirfarandi vefslóð:
http://www.nature.com/eye/journal/v22/n9/abs/6702856a.html
Athygli
skal vakin á því að hér er um hefðbundna meðferð að ræða, ekki
svokallaða sjöttukynslóðarmeðferð. Slík meðferð er í boði hjá báðum
lasertækjategundunum hér á landi, NIDEK og Bausch/Lomb, það fyrra undir
nafninu NAVEX, það seinna undir nafninu Zyoptix. Hjá okkur gildir sú
regla að allar aðgerðir eru á sama verði, hvort sem
sjöttukynslóðarmeðferð er beitt eður ei.
Við erum stolt af okkar
tækjum, enda bjóðum við ávallt upp á það nýjasta og besta hverju
sinni. Sérfræðingur frá NIDEK kemur á átta mánaða fresti þar sem farið
er í gegnum öll tæki og bætt við nýjustu tækni þar sem við á. Þar að
auki er tæknistjóri í fullu starfi hjá Sjónlagi, sem annast allt almennt
viðhald lasertækisins. Við hvetjum þig til að gera samanburð – við
vitum að við munum standast hann og gott betur.