Augnskoðanir 

Það er afar mikilvægt að fólk á öllum aldri komi reglulega í augnskoðun. Eftirfarandi tafla sýnir ráðleggingar alþjóðlegra augnlæknasamtaka:

Aldur (ár) Tíðni skoðana 
65 og eldri  Á 1-2 ára fresti 
55-64 Á 1-3 ára fresti
40-54 Á 2-4 ára fresti
Undir 40  Á 5-10 ára fresti 

_SOS4011

 

Líkt og aðrir augnlæknar starfa læknar okkar skv. samningi við Tryggingastofnun ríkisins og er verðskrá okkar því sú sama og annarra augnlækna. Nokkrar meðferðir eru ekki greiddar niður af TR og þurfa því að greiðast af sjúklingum. Þær skoðanir og meðferðir eru eftirfarandi:

  1. Sneiðmyndataka af sjónhimnu (OCT)
  2. Yfirborðsmyndataka af hornhimnu (OPD, Magellan Mapper)
  3. Sneiðmyndataka af hornhimnu (Confocal scanning)
  4. Ísetning silicontappa í táragangaop
  5. Ísetning kollagenstauta í táragangaop

Þessar rannsóknir og meðferðir eru yfirleitt ekki á boðstólum hjá augnlæknastöðvum og hefur ekki enn fengist vilyrði fyrir því hjá yfirvöldum að greiða fyrir þær.

Hvaða rannsóknir eru yfirleitt gerðar?

Við mælum sjónina þína, mælum augnþrýsting, skoðum augun nákvæmlega, þar á meðal eftir að sjáaldur hefur verið víkkað út. Þá getum við skoðað hina óviðjafnanlegu sjónhimnu, sjóntaugina og æðarnar inni í auganu. Í völdum tilvikum gerum við svo frekari rannsóknir, s.s. sjónsviðsrannsókn til að kanna hvort um gláku sé að ræða, tökum augnbotnamyndir eða einhverja af rannsóknunum sem nefndar eru hér að ofan.

Við leggjum áherslu á bestu mögulegu þjónustu, skoðun og meðferð sem unnt er að veita í augnlækningum. Það er forgangsverkefni okkar að viðhalda heilbrigði augna þinna.