Forskoðun

Starfsfólk okkar hefur áralanga reynslu af því að meta sjónlag og veita ráðgjöf um aðgerð í samræmi við ástand augna og aðra þætti í heilsufari fólks. Með aðstoð okkar ættir þú að geta tekið yfirvegaða og upplýsta ákvörðun um hvort og þá hvers konar aðgerð þú vilt fara í.

Forskoðun leiðir í ljós hvort þú getur farið í aðgerð eða ekki. Eins og gefur að skilja er forskoðunin mjög ítarleg, en miðað er að því að komast að því hvort eitthvað komi í veg fyrir að þú getir farið í sjónlagsaðgerð. Um 80% þeirra sem fara í skoðun geta farið í aðgerð.

Forskoðunin kostar 7.800 krónur.

Mikilvægt er að vera án snertilinsa í viku fyrir forskoðun.

Í forskoðun er meðal annars:

  • Sjónlag mælt í sjónlagsmæli til að fá grófa hugmynd um sjónlag þitt.
  • Gleraugun mæld út frá því.
  • Farið yfir heilsufar þitt, augnsögu, ofnæmissögu og annað sem gæti haft áhrif á aðgerð.
  • Augnþrýstingur mældur.
  • Hornhimnan skoðuð nánar með sérstöku mælitæki og nokkurs konar landslagsmynd útbúin af yfirborði hennar.
  • Ríkjandi auga fundið. Sjáöldur mæld með millimetramáli og ríkjandi auga ákvarðað.
  • Sjáöldrin víkkuð út með sérstökum dropum.
  • Augun skoðuð nákvæmlega hjá augnlækni með svokölluðum raufarlampa.

Að forskoðun lokinni er farið ítarlega yfir niðurstöður hennar til að ákvarða hvort og þá hvernig aðgerð muni henta þér. 

_SOS3892